Аргентинецот Лионел Меси е прогласен за најдобар фудбалер за 2022 година од страна на ФИФА. На церемонијата на ФИФА Бест во Париз, Меси (35) го доби ова признание по рекорден седми пат, а со него на наградата пристигна и неговата сопруга Антонела Рокузо, која го привлече вниманието со своето модно издание.
Убавата Аргентинка носеше црн фустан на модната куќа Dolce & Gabanna со висока јака и висок шлиц на ногата кој ја следи линијата на телото. Креацијата која има набори и шлиц на струкот ја спои со црни сандали на платформа на високи потпетици.
За да избегне монотонија стајлингот го дополни со ефективна чанта во форма на црвена роза, која е исто така дело на модната куќа Dolce&Gabbana. Моделот наречен „Dolce Box“ отелотворува изработка, љубов и внимание на деталите. Чантата има кратка рачка и монтажна прилагодлива лента.
Елегантното издание Антонела го комплетираше со висечки обетки со брилијанти, а последниот зачин на изданието кое наиде на голем број позитивни коментари беше црвениот кармин на усните.Нејзиниот сопруг, исто така, носеше црн костум со јака со блескави ревери со мониста, комбиниран со машна.
Антонела со објавувањето се пофали на Инстаграм каде и се заблагодари на модната куќа што и создала фустан. Таа во една од објавите му ја честитала наградата на сопругот и му рекла дека се многу горди на него.
