Ентони Чиконе бил еден од нејзините седум браќа и сестри, а еднаш открил дека не сакал да земе ни цент од својата славна сестра.Постариот брат на Мадона, Ентони Чиконе, почина во петокот на 66-годишна возраст, објави неговиот зет Џо Хенри на социјалните мрежи. Се уште не е позната причината за неговата смрт, но познато е дека Ентони со години се борел со алкохолизмот, бил бездомник и некое време живеел под мост.
Мојот зет, Ентони Џерард Чиконе, го напушти овој свет.Го познавам од мојата 15-та година, толку години поминаа од пролетта на нашите животи во Мичиген. Како што забележува овде братот Дејв Хенри, кој ја направи оваа фотографија, Ентони бил сложен лик,Само Бог знае: понекогаш се каравме, како што можат вистинските браќа. Но, јас го сакав и го разбирав подобро отколку што понекогаш бев подготвен да признаам“, напиша на Инстаграм Џо, пејач и текстописец во брак со сестрата на Мадона, Мелани Чиконе.
Мадона се уште не ја коментирала смртта на нејзиниот брат, иако ставила емотикон на емотивната црно-бела фотографија објавена од нејзиниот зет. Ентони бил еден од нејзините седум браќа и сестри, а еднаш открил дека не сакал да земе ни цент од својата славна сестра. Тој се отуѓил од семејството и во медиумите ги обвини дека не се грижат за него.
„Јас сум нула во нивните очи, како да не сум личност. Срамота сум. Ако замрзнам до смрт, моето семејство веројатно немаше да знае или да се грижи шест месеци“, изјави тој за Daily Mail во 2011 година. Шест години подоцна, беше објавено дека Ентони завршил програма за рехабилитација и дека повторно се соединил со своето семејство.
