Италијанската актерка Моника Белучи присуствуваше на доделувањето на наградите Цезар во Париз. Актерката и понатаму многумина ја сметаат за една од најубавите жени на светот, а дека не грешат докажала и на овој настан.
Моника за оваа пригода избрала раскошен црвен фустан со интересни плисирани детали. Фустанот е изработен од проѕирен, лелеав материјал и ја истакнува фигурата, бидејќи е струкиран.
Ракавите се шират и изгледаат како наметка, а овој детал навистина прави фустанот да изгледа магично.
Целиот стајлинг актерката го заокружи со дијамантски ѓердан и црвена чанта.
Кога станува збор за бојата на фустанот што го носеше Моника, многумина мислат дека испратила порака. Имено, Моника се појави во Париз само неколку дена откако беше забележана како се бакнува и шета по улиците на Мадрид со режисерот Тим Бартон.
Поради ова, многумина мислат дека црвената боја значи дека е заљубена и сакана.
