Ревијата на Gucci како дел од Миланската модна недела привлече многу познати фаци како Салма Хајек, Кјара Ферањи, членовите на бендот Måneskin,Џули Гарнер од серијата ‘Ozark’, но вниманието го украде Дакота Џонсон, која пристигна облечена во парчиња со потпис на познатиот италијански бренд…
Откако стана главна ѕвезда на кампањата на Gucci за чантата Џеки1961, 33-годишната актерка Дакота Џонсон не се одвојува од нејзините многубројни верзии и стајлинг.
Познатата наследничка на поранешната актерска двојка Мелани Грифит и Дон Џонсон на ревијата на Gucci во рамки на Миланската модна недела ги привлече сите погледи.
Хероината од филмот „Убедување“ го збогати својот изглед со ефективни додатоци кои не остануваат незабележани.Така во центарот на вниманието се најде чантата Jackie 1961, верзија со детали за нитни и шилци и зелено ременче, која моментално е недостапна за продажба.
Дакота Џонсон за да постигне дополнителен глам посегна по безвременски црни чизми со потпетици и боди украсено со логото на овој познат италијански бренд.
Чантата, на која многумина и предвидуваат култен статус, ѕвездата на филмот „50 нијанси сиво“ неодамна ja прошета по улиците на Санта Моника кога комбинираше класична тексас јакна со панталони со широки ногавици кои не се симнуваат од тронот.
