Иако е мала, Словенија е земја која има се. Прекрасна природа, планини, езера од бајките, одлична храна и капацитети за сите возрасти. Често пишуваме за локации и дестинации во Словенија кои вреди да се посетат.Овој пат наш предлог е коритото на реката Толмин.
Магични корита Толмин
Речните корита на Толмин се природен феномен лоциран во долината на реката Соча. Станува збор за коритата на реките Толминка и Задалшчица кои токму тука се спојуваат во едно. Тоа е најнискиот и, многумина велат, најубавиот влез во Националниот парк Триглав.
Низ карпите се протега тесен кањон, а посетителите ги привлекува прекрасната кристално сина боја на водата, која е навистина волшебна.
Прошетка низ кањонот
Низ кањонот води патека долга околу 2 километри. Тоа е лежерна прошетка по дрвени мостови, скали и патеки, при што ќе уживате во бајковитите сцени на прекрасната природа.
Оваа природа наводно го маѓепсала славниот Данте Алигиери, кој некогаш живеел на овие простори, па дури и напишал неколку реда од неговата Божествена комедија. Во негова чест, јамата која се наоѓа овде се нарекува јама на Данте.
Помеѓу останатите атракции додека шетате покрај коритата, ќе го видите и Ѓаволскиот мост од кој се нуди најубавиот поглед на кањонот. Под мостот има термален извор кој подобро се гледа кога нивото на водата на Толминка е пониско. Има и бројни водопади и езера каде што ќе сакате да останете засекогаш.
Патеката низ коритото на реката Толмин е добро обележана и обезбедена, не е напорна, а за обиколка на сè е потребно околу час до час и половина. Не треба да бидете во некоја посебна состојба, туку подгответе соодветни обувки. Најдобро време за посета на оваа бајковита локација е од средината на пролетта до почетокот на есента, кога природата е во полн ек.
