Balenciaga продолжи да шокира со облека по големиот скандал со кампања чии фотографии вклучуваат документи со детска порнографија и плишани мечиња во садо-мазо облека.
Познатиот париски моден бренд Balenciaga повторно шокира, а овој пат објавија фетиш чевли. Чевлите се инспирирани од обликот на човечкото стапало, па на предната страна имаат контура од пет прсти. Најскапата верзија на овие чевли чини дури 1400 евра.
Чевлите од овча кожа доаѓаат во три форми: како балерини, мокасини и чизми со потпетица од 8 сантиметри.Цената на балетанките е 720 евра и изработени се минималистички, имаат само мала црна машна над прстите.
Верзијата на штикла чини 850 евра, додека чизмите се најскапи и за нив ќе треба да издвоите 1400 евра.
Сите верзии на чевелот го носат името „фетиш“, а овој моден бенд е познат по контроверзии.
Имено,Balenciaga беше мета на критики и саботажи на самиот бренд откако објавија кампања која вклучуваше деца и сексуални конотации. Брендот се извини и набрзо ги отстрани фотографиите, но тие веднаш станаа вирални.
- Најостро го осудуваме насилството врз децата, никогаш не ни било намера да го вклучиме во нашата приказна.Balenciaga ја презема целосната одговорност. Чанти со плишани мечиња и колекција подароци не требаше да се поврзуваат со деца. Ова беше погрешен избор од наша страна, во комбинација со неуспехот да ги оцениме и потврдиме фотографиите. Целата одговорност ја превзема Balenciaga – напишаа во соопштението.
