Нивната семејна приказна не е типична, но денес овој татко и син се неразделни и среќни заедно.
Малиот Адонис Греам, синот на популарниот рапер Дрејк, денеска ги преплави медиумите и социјалните мрежи со слаткото заедничко интервју кое го даде со својот татко.
Тоа беше разговор со Barstool Sports, а водителот и комичар Кејлеб Присли сакаше да слушне од момчето за тоа како Дрејк се однесува дома.
- Тој е забавен татко. Прави многу смешни шеги – рекол Адонис.
- Никогаш не се кара, освен ако некој не го нападне,тогаш ќе возврати.
Краткото интервју ги воодушеви обожавателите на Дрејк, кои на Твитер рекоа дека момчето е „премногу слатко“ и дека тоа е „најдоброто интервју што некогаш го виделе“.
Не ја пропуштија големата разлика во изгледот на татко и син, бидејќи Адонис е исклучително светол, сини очи и многу светла и кадрава коса.
Адонис е роден по врската на Дрејк со француската уметница Софи Брусо, а долго време не се знаело дека раперот има дете. Тоа го најави дури по извесно време во 2018 година, со неговата песна The Story Of Adidоn.
-Го криев моето дете од светот, го скрив светот од моето дете… – рапува, меѓу другото.
Како што еднаш призна и самиот, со оглед на тоа што момчето и тој изгледаат толку поинаку, повеќе пати се сомневаше дали навистина е негов татко. Затоа три пати правел тест за татковство пред да објави дека е татко.
- Да бидам искрен, направив ДНК тест со мојот син, а потоа ни рекоа дека е оштетен за време на транспортот и дека не можат да бидат 100 отсто сигурни дали е мој син или не – изјави еднаш Дрејк.
- Значи тоа беше ситуација во која бев на чекање, па не сакав да му кажам на светот дека тоа е мојот син, ако се испостави дека не е – објасни тој.
Потоа низ смеа истакна дека главната причина е тоа што малиот е целосно бело, синоок и русокос.
- Ако го видите мојот син, ќе разберете зошто – рекол Дрејк.
После тоа направи уште два теста.
- Ми требаа уште два квалитетни ДНК тестови од две различни компании – искрен е тој.
Инаку, Адонис е роден во 2017 година, а неговата мајка Софи Брусо е родена и израсната во Франција. Со години работеше како модел, а денес е успешна сликарка.
Медиумите пишуваа дека таа е поранешна ѕвезда на филмови за возрасни, што не е точно, бидејќи ја помешаа со актерка со слично име. Таа го запознала Дрејк во јануари 2017 година, во јапонски ресторан во Амстердам, но никогаш не биле во сериозна врска.
