Пејачката во последно време импресионира со својот стајлинг.
Пејачката Бијонсе не присуствуваше на доделувањето на BRIT Awards во Лондон, но победи во категоријата Меѓународен уметник на годината. Во оваа чест таа објави серија фотографии на кои позира во необично издание, а наградата ја држеше во рака.
Таа е позната по своите смели комбинации кои не може секој да ги облече, а онаа што ја носеше на оваа фотосесија до сега не сме имале прилика да ја видиме.
Имено, пејачката носеше црно-бел комбинезон покриен со светки, кој има различни дезени кои потсетуваат на оние од оптичките илузии.
Комбинезонот го потпишува модната куќа „Balmain“ и е инспириран од 70-тите години на минатиот век.Ракавите на комбинезонот се направени од црно-бело крзно, а нејзината фигура е нагласена со латекс корсет.
Целиот стајлинг пејачката го заокружи со наочари украсени со црни циркони и дијаманти и висечки геометриски обетки, кои одлично се совпаѓаа.
