Фотографирана во театарски амбиент, новата кампања на Вивиен Вествуд пролет 2023 ја предводат манекенката Ирина Шајк и дизајнерот Андреас Кронталер…
Позирајќи во улоги на театарска трупа пред објективот на Јирген Телер, во составот на модели беа Амелија Греј Хамлин, Ларс Ајдингер, Џиашан Лиу, Шериф Дуамба, Сибил Бак и многу други. Супермоделот Ирина Шајк се најде во центарот на вниманието на новата кампања, облечена во црно-бел фустан со тул, боди со дезен и совршено скроен костум. Фотографот Јирген Телер направи серија фотографии со темна позадина, додека одлучи да направи и на отворено.
Кронталер бил инспириран од делото на Кетрин Рундел, особено од Super-Infinite – The Transformations of John Donnе кога ја создал оваа фантастична колекција, која совршено ја оживеа ѕвездената екипа на модели.
Кампањата канализира силна енергија и ја слави убавината на индивидуалното изразување. Моделите носат смели дезени, живописни бои и луксузни материјали, кои го одразуваат стилот на Вествуд, потпирајќи се на нејзиното трајно влијание врз модниот свет.
