Пејачката Ријана синоќа настапи на полувремето на Суперболот. Ова беше настап кој нејзините обожаватели долго го чекаа, а судејќи по реакциите им го подари она по кое копнееја.
Сепак, она што сите ги остави без здив е моментот кога Ријана за време на изведбата на песната „Diamonds“, додека стоеше на пловечка платформа, ја отвори јакната и ја погали по стомакот.
На сите им е јасно дека се работи за труднички стомак, а како што пишуваат странските медиуми Ријана најверојатно е во вториот триместар од бременоста.
Во интервју минатата недела, Ријана беше прашана дали ќе има изненадувања за време на нејзиниот настап на стадионот Стејт Фарм во Аризона.
- Размислувам да донесам некого. Не сум сигурна, ќе видиме – одговори таа.
ПР тимот на пејачката по настапот објави видео на официјалниот профил на „Fenty Beauty“ под кое пишува:
- Сите сакавте специјален гостин, нели?
@fentybeauty
Инаку, Ријана синоќа настапи облечена од глава до пети во црвен комбинезон и предимензионирана јакна.
Пејачката и раперот АСАП Роки веќе имаат син кој Ријана го роди во мај минатата година.
