Британската принцеза Кејт Мидлтон најчесто ја гледаме во свечени и префинети изданија кои се вртат околу гламурозни фустани или елегантни костуми, но сопругата на принцот Вилијам од време на време воодушевува со нешто полежерен стајлинг. Принцезата од Велс го посети колеџот Ландау Форте во Дерби, каде го прослави враќањето на офицер од нејзината самостојна експедиција на Антарктикот, а за таа прилика избра елегантна спортска облека што ќе ја носи во секоја прилика. Во главната улога беше шик блејзер со потпис high street бренд.
Судејќи по нејзината витка линија, на Кејт Мидлтон не и е непозната спортските активности.
Саканата 41-годишна членка на британскиот двор тоа го докажа при посетата на колеџот Ландау Форте во Дерби, каде се осмели да изврши неколку спортски задачи, притоа блескајќи во елегантно и опуштено издание кое би сакале да го ископираме.
Со оглед на тоа што и самата планираше да проба неколку спортски активности, сопругата на принцот Вилијам се облече соодветно, комбинирајќи парчиња од популарните хај стрит продавници кои можат да се користат и на терен и во поформални прилики.
Британската благородничка го засновала својот изглед на темно сини панталони дизајнирани од брендот LK Bennett, а ги комбинирала со основна бела маичка.
Сепак, главната сензација на аутфитот беше бел блејзер со потпис на шпанскиот моден гигант Zara.Споменатиот блејзер,но во црвена боја, британската принцеза прва го облече во 2020 година, а истиот модел тогаш беше целосно распродаден.
Во духот на спортската елеганција, Кејт посегна по практични и стилски обувки, па избра препознатлив модел на францускиот бренд Veja, чии обувки освоија многу дами, меѓу кои и војвотката Меган Маркл.
Како голем љубител на модните додатоци, принцезата од Велс не ја пропушти можноста да ги вклучи во својот спортски стајлинг.
Така таа ги одбрала веќе видените златни обетки со потпис на уличниот бренд Accessorize, чија цена е само 9 евра.
