Принцот Хари и Меган, војвотката од Сасекс во вторник ќе бидат сослушани пред суд поради тужба за клевета што ја покренала нејзината полусестра Саманта Маркл против војвотката во САД.
Саманта Маркл ја тужи Меган за клевета и лаги кои наводно ги кажала војвотката во интервју со Опра Винфри во 2021 година, според британската новинска агенција PA Media.
Во тужбата на Саманта Маркл од март 2022 година се наведува дека Меган дала „демонстративно лажни и злонамерни изјави пред светската публика“, вклучително и „приближно 50 милиони луѓе во 17 земји“ кои го гледале интервјуто.
Во септември минатата година, Меган поднесе барање да се запре депонирањето – сведочењето на сведоците под заклетва надвор од судот што се користат за собирање информации – во случајот.
Претседавачкиот судија, Шарлин Едвардс Ханивел, го одби нејзиното барање.
Обвинителот во барањето наводно бара двојката да биде сослушана истиот ден, но во одвоени разговори кои се снимаат.
Таа сака Меган да ги повлече сите обвинувања против кралското семејство и јасно и гласно да каже дека „Кралицата Елизабета не била расистка“, а „Кралот Чарлс не е расист“.
First time since they left the RF, they’ll actually be grilled over their bogus, incendiary claims 👏👏👏 🙌🙌🙌
— ✨Genevieve✨ (@_Genevieves_) February 7, 2023
Oh how the mighty are falling!
I bet Meghan will drag Ashley into this 🤦♀️
Meghan & Harry will be deposed in Samantha Markle lawsuit
https://t.co/fLqlEpdxwr
Саманта Маркл во првичната жалба рече дека Меган ја понижила во интервју кога рекла дека пораснала како „единствено дете“.
Во поднесокот се вели дека „Меган објави и шири лажни и злонамерни лаги“ што ја подложи Саманта Маркл на „понижување, срам и омраза на глобално ниво“ и лаги за нивниот татко Томас Маркл.
Во него се наведува дека Меган организирала „кампања со предумисла“ за да го оцрни и уништи угледот и кредибилитетот на нејзината сестра и нејзиниот татко.
Последните случувања во случајот следат по објавувањето на мемоарите на принцот Хари минатиот месец и шестоделната серија на парот на Нетфликс што се емитуваше во декември, во која Меган се отвори за нејзината врска со Саманта Маркл.
- Мојата полусестра, која ја немам видено повеќе од една деценија, одеднаш се почувствував како да е насекаде – изјави Меган во документарецот.
Саманта Маркл тврди дека таа и Меган имале блиски односи до 2018 година и дека медиумите измислувале цитати кои и се припишуваат.
А Томас Маркл, нивниот заеднички татко, треба да сведочи на судењето.
Саманта поднесе тужба од 75.000 долари откако Меган во интервју за Опра изјави дека пораснала како единица. Како што тврди Саманта, Меган на овој начин ја понижила.
Да потсетиме дека Меган постојано ја обвинуваше нејзината сестра, како и нејзиниот татко и брат, дека продаваат приказни на британските таблоиди.
