Во Лос Анџелес се одржа 65-тото доделување на Греми наградите, а оваа престижна церемонија собра бројни познати личности. Како и обично, сите гости се потрудија со своите тоалети и фризури, кои беа подготвени денови однапред.
Адел се прошета на црвениот тепих на Греми по шестгодишна пауза, а нејзиниот аутфит беше прекрасен. Таа избрала плишан бордо фустан „Louis Vuitton“, со кој искомбинирала салонки во иста нијанса. Ефективните украси донесоа допир на грациозност, а дијамантските обетки ја зачинија целата комбинација.Адел имаше карактеристична шминка. Музичката дива секогаш со шминка ги истакнува очите, нанесува лајнер и тешка маскара во неколку слоеви. Нејзините фризури се најчесто со многу волумен, па затоа и за оваа пригода одбрала раскошни бранови.
Адел ослабе многу по разводот со сопругот Сајмон Конеки. Заради своето здравје следела диета од 1000 калории дневно и редовен тренинг, а резултатот е 45 килограми помалку. Музичката ѕвезда ја следеше диетата Сиртфуд, која ја практикуваа и познатите личности како Пипа Мидлтон, но која според лекарите има бројни негативни страни.
„Со внесување само 1.000 калории, многу луѓе ќе останат гладни. А ако дозволената храна не е на листата на нивните омилени, тие би можеле уште повеќе да копнеат за храна. Тринеделната апстиненција може да доведе до прејадување, особено во втората фаза од диетата“, вели д-р Каролин Аповиан, специјализирана нутриционистка која ја советува за урамнотежена исхрана.
„Сметам дека здравата и урамнотежена исхрана, која вклучува протеини, различни овошја и зеленчук, како и житарици од цели зрна, е најздравиот и најодржлив начин за слабеење и одржување на телесната тежина“, заклучува др.Аповијан.
