Мјуча Прада и Раф Симонс ги собраа сите ѕвезди за пролетната рекламна кампања на Prada.
Во новата кампања на италијанскиот бренд Prada снимена од Дејвид Симс, се појавуваат истакнати личности од филмската индустрија, меѓу кои Винсент Касел, Луис Патриџ, Хантер Шафер и Летиција Рајт, кои позираат пред камерата на позадината на обичните канцелариски или домашни ентериери.
Минималистичките фотографии отворено ја нагласуваат личноста на секој лик, како да се кадри од филм или филмски сет. На пример, Касел седи на работ од када, а во преден план е прикажана неговата кожна чанта Prada.Шафер е прикажана со малку изненадено лице, гледајќи малку подалеку од камерата.
Концептот на кампањата потсетува на шоуто Prada пролет/лето 2023 година одржано минатиот септември во Милано, кога Прада и Симонс соработуваа со режисерот Николас Виндинг Рефн на проектот наречен TouchofCrude. Режисерот кој стои зад филмовите како „Дилер“ и „Возач“ смисли фасцинантна инсталација и серија меѓусебно поврзани кратки филмови кои ќе го придружуваат шоуто.
Италијанскиот бренд не е непознат за филмската индустрија, бидејќи честопати бараше таленти за своите кампањи и играше со видео медиуми и филмски референци. Со текот на годините,Prada привлече актери како Вилем Дефо, Итан Хок, Дејн ДеХан и Езра Милер, Џеф Голдблум и Рами Малек.
