Кристијано Роналдо, 37-годишниот напаѓач, кој оваа година доби Rolls-Royce Dawn за Божиќ од својата сопруга, сега потврди дека му се приклучил на клубот од Саудиска Арабија Ал Наср.
Според договорот, Роналдо ќе биде платен околу 200 милиони долари годишно. Оваа плата, која наводно вклучува комерцијални зделки, би била највисоката досега во историјата на фудбалот.
Фудбалскиот тим Ал Наср објави фотографија од португалската ѕвезда како го држи дресот со број 7, опишувајќи го како „историја во тек“.
„Ова е потпис што не само што ќе го инспирира нашиот клуб да постигне уште поголеми успеси, туку ќе ја инспирира нашата лига, нашата нација и идните генерации, момчиња и девојчиња, да бидат најдобрата верзија од себе“, се вели во објавата. „Добре дојдовте Кристијано во вашиот нов дом, ФК Ал Наср“.
Се наведува дека договорот го поврзува Кристијано Роналдо со Ал Наср и Саудиска Арабија до 2030 година. Сето тоа е дел од кандидатурата на Саудиска Арабија да биде домаќин на Светското првенство во 2030 година.
History in the making. This is a signing that will not only inspire our club to achieve even greater success but inspire our league, our nation and future generations, boys and girls to be the best version of themselves. Welcome @Cristiano to your new home @AlNassrFC pic.twitter.com/oan7nu8NWC
— AlNassr FC (@AlNassrFC_EN) December 30, 2022
Кога играше за Манчестер Јунајтед, 37-годишниот играч дома носел повеќе од 600.000 долари неделно. Сега ќе заработува повеќе од милион долари секоја недела, што е значителен скок во вистинската насока. Со тие пари фудбалската суперѕвезда нема да има проблем да ја додаде својата и онака завидна колекција суперавтомобили.
Да потсетиме, Кристијано Роналдо има проценета нето вредност од околу 490 милиони долари, па не е чудно што во неговата гаража се наоѓаат некои од најскапите суперавтомобили во светот. Меѓу другите, тој поседува Bugatti Centodieci од 8,8 милиони долари, Ferrari Monza SP1 од 1,8 милиони долари, McLaren Senna од 1,7 милиони долари и прилагоден Mercedes G-Wagen од Brabus.
Поранешниот играч на Манчестер Јунајтед поседува и неколку автомобили Rolls-Royc, вклучително и Phantom од 450.000 долари,Cullinan од 350.000 долари и Dawn од 350.000 долари, кој неодамна му го подарила неговата девојка Георгина Родригез.
