Празниците се секогаш за светли бои и, се разбира, сјај. Иако многумина сметаат дека светките се застарени, модните експерти не би се согласиле со нив. Меланија Трамп и Ева Лонгорија докажуваат дека сјајот е секогаш пожелен, особено за време на празниците.
Овие две дами блеснаа во најлудата ноќ, а нивните фустани можат да послужат како инспирација за настан важен за вас.
Меланија за новогодишната вечера носеше фустан со сребрени светки со долги ракави и до колена. Овој прекрасен фустан го потпишува модната куќа “Dolce & Gabbana” и чини 2.000 евра. Меланија го заокружи својот стајлинг со сиви светкави чевли кои одлично одеа со овој фустан.
Уште една дама која ги воодушеви сите со својот новогодишен стајлинг е актерката Ева Лонгорија. Актерката носеше прекрасен светкав фустан со храбар дизајн изработен од проѕирен материјал.
На нозете имала високи потпетици, чиј горен дел бил од ПВЦ материјал, па на прв поглед изгледало како актерката да е боса. Комбинацијата ја зачини со нараквица, висечки обетки и шминка која и даваше посебен шмек.
