Бритни Спирс беше под старателство на нејзиниот татко Џејми Спирс 13 години.Пејачката Бритни Спирс пред нешто повеќе од една година стана слободна личност, а по 13 години беше ослободена од старателството на нејзиниот татко, кој апсолутно го контролираше нејзиниот приватен и деловен живот.
Многумина го обвинија нејзиниот татко Џејми дека ја чувал неговата ќерка во ментална институција против нејзина волја и ја лишил од слободата во секој аспект од нејзиниот живот.
Тој до сега не беше премногу јавен, но неодамна во интервју за The Mail on Sunday, кое беше негово прво интервју по повеќе од една деценија, зборуваше малку поотворено за својата ќерка, тврдејќи дека тој е единствената причина што таа е живa денес.
Како што тврди таткото на Бритни Спирс, тоа била неопходна интервенција која ја спасила пејачката од најтемните денови, но и ја зачувала врската со синовите Престон и Џејден.
Џејми признава дека тоа биле тешки времиња и дека не сака да прикаже навидум убава слика за ситуацијата зад нив.
Сепак, тој смета дека одлуките биле точни, дури и да наштетиле на односот меѓу таткото и ќерката.
- Нема сите да се согласат со мене. Беше пеколно тешко време, но ја сакам ќерка ми со сето мое срце и душа. Се прашувам каде ќе беше мојата ќерка денес да не се однесував така. Дали мислите дека таа би била жива без надзор? Знам дека не– рекол Џејми
Џејми признава дека врската меѓу него и Бритни е нарушена, но чувствува дека мора да внимава што зборува за да не им наштети во иднина.
- Не сакам да ја турнам по дупката во која се наоѓа во моментов – ги коментираше Џејми избраните зборови од нејзината објава на социјалните мрежи.
