Пејачката Џенифер Лопез со својата одлука ги загрижи обожавателите ширум светот.Џенифер Лопез ги избриша сите објави на Инстаграм, што предизвика многу шпекулации.
Пејачката наместо насловната фотографија ставила само црна позадина, што дополнително предизвикало сомнеж кај обожавателите дека нешто се случува.
Додека некои се убедени дека ова малку бизарно бришење на содржина од Инстаграм е навестување за важна најава во блиска иднина, други ја споделија својата загриженост за тоа.
Кога се обиделе да пристапат до профилот на ѕвездата и да ја погледнат последната објава, фановите биле изненадени бидејќи воопшто немало содржина.
Од друга страна, сè уште има содржина на нејзиниот профил на Twitter и TikTok, но сликата на профилот е иста како на Инстаграм – црна позадина.
Ова имплицира дека пејачката едноставно сакала да ја избрише содржината од Инстаграм, а ќе дознаеме наскоро, се надеваме.
Кога познатите личности одлучуваат да избришат содржина од социјалните мрежи, тоа обично значи дека подготвуваат важна објава.
Фановите започнаа дискусија на Твитер за можните причини за бришење на фотографиите.
- Дефинитивно ќе објави нешто важно. Нема за што да се грижите; Толку е чудно што Џеј Ло го избриша својот Инстаграм. Што е тоа?; Тоа е морничаво; Загрижена сум за Џенифер Лопез – ова се само дел од коментарите.
Оние кои имплицираа дека нешто се случува со неа и Бен Афлек отидоа чекор понатаму.
- Ги избриша сите слики од свадбата и сите фотографии со Бен. – напиша загрижен фан.
Оваа необична одлука на пејачката дојде само неколку часа откако таа и Бен го направија своето деби на TikTok како пар, а досега никој од нејзиниот ПР тим не ја коментираше оваа одлука.
