Оваа година кралицата Летиција сервираше неколку впечатливи изданија во кои главна улога имаат кожните парчиња. Таа на настанот за ментално здравје во болницата во Барселона пристигна без сопругот, кралот Фелипе Шести, а со изборот на црвени кожени панталони уште еднаш докажа дека модната храброст воопшто не и недостасува.
Кралицата Летиција без сомнение е меѓу најдобро облечените дами на кралското семејство, што повторно и повторно го докажува со одличните модни изданија дизајнирани до последен детаљ.
Сопругата на шпанскиот крал Фелипе Шести, со која има две ќерки, идната наследничка на шпанската круна, принцезата Леонор и Инфанта Софија, ужива статус на модна икона.
Љубителката на кожни парчиња воодушеви на настан за менталното здравје во болница во Барселона каде се појави во црвени кожени панталони. 50-годишната благородничка комбинацијата ја заокружи со џемпер во иста боја со потписот на Hugo Boss и пар Lodi мокасини со вртоглаво високи потпетици.
За накит, таа носеше пар висечки сребрени обетки со бисери и златен прстен.
Шпанската кралица Летиција стилски никогаш не се обидела да се наметне , иако во многу изданија навистина зрачи сексипилност која една толку убава жена тешко може да ја потисне. Но, затоа, во дадени прилики, таа навистина се труди да го прилагоди својот стил на ситуацијата, што е одлична формула за многу деловни жени кои не сакаат дополнително да ги истакнуваат своите женствени адути, но сепак сакаат да блеснат како убава, елегантна жена.
Кралицата Летиција веќе имавме можност да ја видиме во различни модели на кожна облека, во кожени здолништа, фустани и јакни. Сепак, овој црвен модел на панталони е дефинитивно хит.
