Џеф Безос откри дека планира поголемиот дел од своето богатство да го донира во добротворни цели.
Говорејќи за Си-Ен-Ен во ексклузивно интервју, основачот на Амазон рече дека ќе го искористи најголемиот дел од својот капитал за борба против климатските промени, како и за поддршка на оние кои го обединуваат човештвото надвор од политичките партии. Безос беше интервјуиран со неговата девојка, поранешната новинарка Лорен Санчез, во неговиот дом во Вашингтон. И иако милијардерот не даде никакви конкретни детали за тоа како ќе ги распредели парите, на прашањето дали планира да го донира своето богатство за време на неговиот живот, тој одговори: „Да, ќе го направам тоа“.
Тоа беше прво заедничко интервју на парот, а воедно и прв пат Безос јавно објави дека планира да донира поголем дел од своето богатство. Тој одби да каже колкав процент од неговата нето вредност ќе биде дониран и како може да се искористи. Во текот на изминатата деценија, Безос веќе инвестираше 10 милијарди долари во Фондацијата Bezos Earth , која е во сопственост на Лорен Санчез. Организацијата ги фокусира своите напори на намалување на јаглеродниот отпечаток од производството на цемент и челик, развива технологии за подобро следење на емисиите на јаглерод во атмосферата и се залага регулаторите да ги земат предвид ризиците поврзани со климатските промени.
„Тешкиот дел е да откриете како да го направите тоа ефективно само со финансиски потпора“, рече Безос за својата филантропија, споредувајќи го процесот на донирање на своето богатство со процесот на изградба на Амазон. „Не е едноставно. Изградбата на Амазон не беше лесно. Потребна беше многу напорна работа, многу паметни и вредни соиграчи, а јас чувствувам и мислам дека Лорен се чувствува исто – дека добротворната организација, филантропијата е многу слична на тоа. Затоа треба внимателно да размислите за ова и треба да имате брилијантни луѓе во вашиот тим“, резимира Џеф Безос.
