Ако побараме некој да ни ја каже првата слика што ќе ни падне на ум, тогаш одговорот веројатно би бил Мона Лиза на Леонардо Да Винчи.
Познатото уметничко дело кое се наоѓа во музејот Лувр во Париз е создадено помеѓу 1503 и 1506 година во Фиренца и денес го препознаваат речиси сите на планетата.
Ако некој го посети Лувр, веднаш ќе сфати дека неговата најголема атракција е оваа слика. Илјадници туристи секојдневно се редат за да ја видат и да и се восхитуваат одблиску. Но, зошто Мона Лиза е толку позната?
Многу се зборува за изгледот, но и за насмевката на жената насликана од Да Винчи. Техниките што ги користел мајсторот на италијанската ренесанса се единствени и пионерски. Сликата ги ревидира правилата на уметноста и се дебатира и денес.
Оваа слика дури успеа да влезе во поп културата и се наоѓа на постери, маици, чаши, филмови, па дури и чоколади. Колку би можела да вреди оваа слика сега? Точно е дека е многу тешко да се процени и сигурно е дека во блиска иднина нема да се продаде на никого.
Она што го знаеме е дека во 1962 година Мона Лиза била осигурана на астрономска сума од 100 милиони евра. Што значи ова практично? Ако се земе предвид инфлацијата, тогаш во денешни пари вредноста на сликата би достигнала 867 милиони евра или барем за таа сума би била осигурана.
Да потсетиме, најскапата слика некогаш продадена е друго дело на Леонардо да Винчи, Салватор Мунди. На сликата го гледаме Исус во сина ренесансна туника. Таа беше продадена за 450 милиони долари на непознат купувач во 2017 година, а оттогаш има многу возбуда околу сликата.
