Холивудската актерка Деми Мур (60) пред неколку години ги објави своите мемоари „Inside out“ во кои откри многу детали од својот живот. Најинтересно за публиката е животот со Ештон Катчер!
Актерката Деми Мур тогаш во својата животна исповед откри дека една од најголемите грешки што ја направила е тоа што се согласила да ја исполни желбата на нејзиниот тогашен сопруг Ештон Катчер и да се впушти во тројка.
-Сакав да му покажам колку можам да бидам забавна и одлучна, но знам дека тоа беше грешка – изјави Деми Мур, која тврди дека нејзиниот поранешен сопруг е манипулатор и човек кој „психолошки малтретирал жена“.
Да потсетиме, животот на познатата актерка не беше лесен. Своевремено Деми Мур откри дека била силувана на 15 години и дека имала проблематична врска со нејзината мајка.
За прв пат се омажила во 1979 година со музичарот Фреди Мур, потоа со актерот Брус Вилис, со кој има три ќерки, со кој беше во брак 11 години, и со Ештон Катчер, од кого се разведе по девет години брак.
