Шакира во кампањата претстави два стајлинга – еден вечерен,совршен за новогодишната ноќ и еден елегантно-деловен.
Музичката ѕвезда Шакира е заштитно лице на новата празнична кампања на Burberry и се појавува во краткото видео наречено „The Night Before“. За оваа неповторлива пригода Шакира блесна во неколку модни комбинации, од кои највпечатлива секако е оваа со проѕирен фустан со многу светкави монистри и букви принт.
„Искрено, јас сум многу возбудена.Првпат правам ваква модна кампања, а Burberry е толку иконичен бренд. За мене, Burberry е елеганција персонифицирана и безвременска. Модата постојано се менува и постојано се развива меѓутоа Burberry успева да еволуира со времето и секогаш да го задржи својот препознатлив, елегантен стил“, изјави Шакира за Vogue.
Шакира во кампањата ја истакнува препознатливата естетика на овој лондонски бренд – од една страна секси преку проѕирните тенки ткаенини, а од друга со класичен кабаница Burberry и кариран дезен.
“Толку ми се допадна блузата што ја носам што побарав да ја задржам. А вечерниот фустан, во најмала рака, беше вистинско уметничко дело”, изјавила пејачката.
Нејзиното деби во Burberry е совршен начин Шакира да ја заврши оваа прилично турбулентна година и да влезе во новата 2023 година.
„Наскоро излегува нов албум, кој едвај чекам да го споделам со фановите. Работев на него некое време и мислев дека инспирацијата ќе пресуши, но сепак сум среќна што се враќам во студиото.Се чувствувам толку подготвена за 2023 година и сето тоа се припрема“, изјави Шакира.
