Замислете ја вашата следна дестинација: град во кој можете слободно да шетате низ улиците и да истражувате, без да се судрите со орди туристи и полн со интересни работи. Ова звучи како Талин, чија атмосфера е опуштена. Сочуваните камени улици и историскиот центар на градот под заштита на УНЕСКО се само дел од знаменитостите прошарани со модерни удобности за сите генерации, вклучувајќи голем избор на места за излегување. Додека престојувате во Талин, ќе имате можност да ја запознаете естонската култура и начин на живот и да обрнете внимание на некои интересни работи, како на пример јазикот што веројатно нема да го разберете.
Имено, иако естонскиот јазик историски бил под влијание на соседните јазици шведски, латвиски и руски, тој со нив не го дели истото индоевропско потекло. Припаѓа на финскиот огранок на фамилијата на фино-угрски јазици, што го прави неразбирлив.Можно да е разбирлив за Финците и Унгарците, чии јазици потекнуваат од исто семејство.
Покрај разбирањето на естонскиот, мора да се пробате и во естонските специјалитети кога е храната во прашање. Пробајте свежа риба или дивеч (канадскиот елен или дива свиња се омилен деликатес). Што се однесува до рибните деликатеси, тука е маринираната јагула како најпопуларно јадење со риба. Иако можеби некому не му звучи како деликатес, вкусот обично ги воодушевува сите што ќе го пробаат. А еден естонски десерт остава без здив, па задолжително побарајте крингел – сладок леб чие тесто се полни со марципан, бадеми или ореви и се пече во форма на плетенка.
За да ги запознаете сите знаменитости на главниот град на Естонија, најдобро е да дозволите да ве води водич.
Ставете го Талин на листата за патување и уживање само во Естонија или пак вклучете го во распоредот на вашето следно големо европско патување.
