Легендарната Шер (76) е видена како излегува од ресторан во Западен Холивуд цврсто држејќи го за рака Александар Едвардс (36), потврдувајќи ги шпекулациите дека има нова љубов.Едвардс во еден момент романтично и ја бакнал раката на пејачката, а многумина забележале дека тој е многу внимателен кон неа, откако и рекол да ја гледа како чекори бидејќи патот не бил рамен.
Пејачката за оваа пригода носеше целосно црна облека, која се состоеше од широки црни панталони и топ со ремен, лелеав капут и црни чизми. Изгледа дека Едвардс бил целосно синхронизиран со својата нова девојка, бидејќи се одлучил и за целосно црна комбинација.
Она што многумина ги заинтригира е фактот дека Александар Едвардс е дури 40 години помлад од неа. На јавноста и стана познат по излегувањето со најпопуларните ријалити ѕвезди, а има вонбрачни деца со Амбер Роуз (се забавуваше со Канје Вест) и Белк Чина (се забавуваше со Роб Кардашијан).
Амбер Роуз го обвини Алексадр дека ја изневерува со 12 различни жени, а потоа тој во живо на Инстаграм и ги призна сите свои неверства.
Новото момче на пејачката Шер не е популарно во Холивуд, бидејќи важи за сериски прељубник токму поради горенаведените примери.
Шер сè уште јавно не проговорила за наводите за нивната романса, но очигледно е дека меѓу нив има нешто повеќе од музичка соработка, бидејќи во последните неколку месеци тие неколку пати беа фотографирани заедно во јавноста додека разменуваат нежности.
