За секој кој сака техно и хаус,Kompass е клуб од светска класа кој привлекува врвни диџеи. Сместен во стара фабрика со ниски тавани, нуди одлична атмосфера. Тука е и Charlatan, локална легенда која никогаш не разочарува, најдобриот клуб во градот повеќе од 30 години.
Овој фламански град може да се пофали со креативна кујна, пазари, врвни клубови – и одлично пиво, ако може да се верува на приказната објавена на британскиот портал Guardian.
Што да се јаде?
Гент е благословен со возбудлива ресторанска сцена со непретенциозни, креативни млади готвачи кои им даваат приоритет на локалните, сезонски состојки заедно со многу вегански и вегетаријански опции. Ресторан Aroy Aroy, најновиот потфат на готвачот Џејсон Бланкаерт, кој ги напушти рестораните со ѕвезда на Michelin за да готви она што го сака. Моментално подготвува тајландска храна.
Елдерс е ново место веднаш надвор од центарот што служи едноставни, но вкусни јадења како што се разладена супа од краставица и бозел или печени остриги на скара со караница. Совршено е за лесен неделен бранч.
Упатете се и на органскиот пазар Lousberg, каде што задругата за млеко Het Hinkelspel продава неверојатен избор на локални сирења.
Што да се види?
Неделите најдобро се започнуваат со прошетка во центарот на Гент, во црквата Св. Џејкоб, каде што може да се ужива во едноставното задоволство да се купат поволни винтиџ јакни за само 5 евра. Потоа посетете го пазарот за користени книги во Ајуинлеи и цветниот пазар на плоштадот Кутер. Потоа, одете по остриги и пенливо вино во киоскот „De Blauwe“ на пазарот.
Туристите треба да одат во катедралата и да го видат Обожувањето на мистичното јагне (Олтар во Гент) од браќата Хуберт и Јан Ван Ејк. Да, ќе чекате во долги редици, но дефинитивно е незаборавно.
Одмор во природа
Има две одлични локации каде што можете да уживате во зеленилото. Appelbrugparkje е минијатурен парк во историското срце на Гент за кој дури и многу локални жители никогаш не слушнале. Се крие зад замокот на грофовите, а вие мирно седите во оаза полна со лисја, со живописен поглед на реката Лис.
Кејзерпарк, на реката Шелд, е сосема поинаков; голем отворен парк кој го сакаат жителите, а тука можете да направите пикник и да изнајмите брод.
Ноќен живот
За секој кој сака техно и хаус,Kompass е клуб од светска класа кој привлекува врвни диџеи. Сместен во стара фабрика со ниски тавани, нуди одлична атмосфера. Тука е и Charlatan, локална легенда која никогаш не разочарува, најдобриот клуб во градот повеќе од 30 години.
За музика во живо, Bar Lume е место за млади белгиски бендови, додека Funke е ново трикатно место, културен центар во кој се одржуваат концерти, диџеи и уметнички простори за изложби и инсталации.
Каде да се сместите?
De Draecke е едноставен со прилично солидни цени но модерен хостел во самиот центар на градот кој нуди сместување во студентски домови или приватни соби.
