Меган Маркл проговори за „страшната вина“ што ја чувствува како мајка и партнер во очите на јавноста.
Војвотката од Сасекс Меган Маркл денеска ја објави најновата епизода од нејзиниот подкаст „Архетипи“ кој го нарече „Добрата сопруга, лошата сопруга; добра мама, лоша мама“, а гостинка и е првата дама на Канада, Софи Трудо, пренесува „The Sun“.
Додека Меган го најави својот гостин, таа рече:
- Таа многу добро знае какво е чувството да се биде мајка и партнер, а особено мајка и партнер во очите на јавноста и како вината поради очекувањата може да стане вина што ја чувствуваме како мајки или како жени генерално – рече Меган.
Војвотката зборува и за тоа како е да се биде мајка и размислува за времето кога заштедила неколку пари за играчка за Арчи.
Таа се присетила како нејзината пријателка била во градот со нејзините деца, па времето го поминувале заедно покрај базенот.
- Прскавме со водата во базенот, а потоа фрлавме играчки во базенот. Инаку, парче пица на надувување испадна голем хит и го најдов на интернет и не се шегувам кога ќе ви кажам дека онаа без феферони беше за неколку долари поефтино од онаа со феферони. – се пошегува Меган.
Меган продолжи да зборува за „хаотичните“ утра со Хари и децата и рече дека мисли дека утринската брзање само ќе се влошува додека Арчи и Лилибет ќе стареат.
- За мене секогаш се вклучени двата монитори за децата за да можам да ги слушнам. Кога Лили ќе се разбуди, ја симнувам долу, а потоа половина час подоцна, тука е Арчи.
Меган вели дека Хари им помага на децата, додека за сите тројца подготвува појадок, што и е многу важно. После тоа, тие ги хранат трите кучиња пред да продолжат со остатокот од активностите во денот. Војвотката понатаму се запрашала како некој може да ги извршува сите овие обврски без помош на партнерот бидејќи толку многу работа е резервирана за мајките.
