- НЕЖНО ЧИСТЕЊЕ НА ЛИЦЕТО
Кога температурите паѓаат и се лачи помалку себум, премногу агресивните производи за чистење може да ја исушат кожата. Наесен би било добро да се префрлите на гел за чистење без сулфат за утринска нега и лосион за чистење навечер. Гелот ќе овозможи подлабоко чистење на порите, а лосионот кој е нешто поблаг ќе биде ефикасен за отстранување на шминката.
- Зголемете ја ХИДРАЦИЈАТА
Жените често го занемаруваат тоникот во негата на кожата. Ако сте меѓу нив, сега е време да започнете да го користите. Тониците без алкохол се најдобриот начин за хидратација на вашата кожа. По тоникот, на се уште влажното лице нанесете хидратантен серум или крем за кожата подобро да ја впие водата и активните состојки.
- БОГАТ ХИДРАТАНТЕН ПРОИЗВОД
Лесните хидратантни производи се погодни за лето, но со доаѓањето на пониските температури потребна ви е поинтензивна хидратација. Заменете го вашиот обичен хидратантен крем со погуст крем кој содржи керамиди и масла богати со липиди. Друга можност е да користите масло наместо крем (исто така можете да измешате неколку капки масло со вообичаениот хидратантен крем).
- ПРОДОЛЖЕТЕ ДА КОРИСТЕТЕ ЗАШТИТЕН ФАКТОР
УВБ зраците не се толку силни во есен, но УВА зраците се исто толку силни како во средината на летото (тоа се зраците кои предизвикуваат рак и предвремено стареење на кожата). Затоа, во текот на есента, како и во текот на целата година, користете средство за заштита од сонце со најмалку фактор 30.
- ДОДАДЕТЕ РЕТИНОЛ ВО ВАШАТА ДНЕВНА ГРИЖА
Ако престанавте да користите ретинол во текот на летото, сега е време да започнете повторно. Изберете ретинол серум или ретиноид,тој значително ќе ја намали појавата на кафени дамки од сонцето, како и брчките.
