Меган Фокс и нејзиниот избраник,Машин Ган Кели, не престануваат да ја шокираат јавноста со своите контроверзни комбинации на облека, но и со својот изглед. Не поминува ден да не измислат нешто ново и различно, а овој пат на забава на прославата на „Ноќта на вештерките“ ја сменија бојата на косата.
Самата Меган, која важи за една од најубавите жени на светот, повеќепати експериментирала со нијанси на коса, од бринета, русокоса, црвенокоса па и розова. Овој пат таа се врати во русокоса, додека нејзиниот дечко, кој е четири години помлад и рапер, реши да се обои во црно. На прв поглед изгледаше како сосема друг маж.Но, не е само косата, она што многумина ги изненадува секогаш кога ќе ги видат е стилот на облекување.
Воопшто не се плашат што ќе облечат и што ќе им кажат другите. Овој пат Меган се појави во тесен фустан од латекс во кој едвај можеше да дише, а нејзините гради беа откриени. На нозете носеше многу високи проѕирни сандали, а на 36 години повеќето ќе се сложат дека изгледа како „бомба“. За разлика од неа, раперот се одлучи за бела маица на прерамки и црни кожени панталони.
