Одлуката да започнете диета никогаш не е лесна, но да се знае дека ни делат само две недели од помала големина на облека звучи како добра мотивација. Иако летото е зад нас, секогаш е вистинското време да го доведете вашето тело во идеална форма. Важно е да се најде план за исхрана во кој ќе можеме да истраеме, затоа треба внимателно да ги проучуваме искуствата на оние кои поминале низ истата борба со килограмите.
Нутриционистите секогаш не советуваат да внимаваме на исхраната. Нивниот испробан рецепт е намален внес на јаглени хидрати и само наутро за појадок, за ручек препорачуваат протеини во комбинација со свежи салати, а за вечера лесна салата, без калорични преливи и евентуално риба. Меѓутоа, често ни се чини дека ова е долг пат до посакуваната тежина.
Има значителен број на оние кои се колнат во исхраната со грејпфрут. Спаѓа во групата на едноставни и брзи диети и се заснова на дванаесетдневна диетална програма каде грејпфрут се јаде со секој оброк. Ова овошје кое многумина го избегнуваат го нарекуваат „согорувач на маснотии“, а нутриционистите тоа го припишуваат на големата количина на витамин Ц што го содржи.
„Грејпфрутот содржи голема количина на витамин Ц, за кој веќе е докажано дека го забрзува метаболизмот и антиоксиданс нарингенин, кој го поттикнува црниот дроб да ги разградува мастите. Црвената боја на грејпфрутот се должи на пигментот ликопен, кој исто така го поддржува слабеењето “, тврди нутриционистот Келијан Петручи.
Едноставната диета со грејпфрут се состои од три оброци, а пред секој оброк се пие сок од грејпфрут или се јаде целото овошје.
Појадок: 2 варени јајца, две кришки сланина и 2 dl сок од грејпфрут
Ручек: сезонска салата со прелив, неограничено месо по избор и 2 dl сок од грејпфрут
Вечера: месо подготвено по желба во неограничени количини, салата и зелен зеленчук, 2 dl сок од грејпфрут
