Шпанската кралица Летиција, покрај секогаш внимателно одбраните парчиња облека, позната е и по својата витка фигура која беспрекорно ја одржува и на 50-годишна возраст. И додека многумина се прашуваат од каде го купила фустанот или сакото, други копнеат да откријат која е тајната на нејзиниот изглед.
Како што пишува“Hellomagazine”, кралицата Летиција со години ја практикува диетата Перикон, популарна диета наречена по познатиот нутриционист и доктор Николас Периконе. Како што постојано пишуваа шпанските медиуми, кралицата се грижи што јаде, а само еден поглед во нејзините раце открива дека не и е непозната ниту физичката активност.
- Кралицата прави вежби за сила секој втор ден и им ги препорачува на сите. Ако кралот е слободен, тој и се придружува и во теретана – откри еднаш личниот тренер на Летиција, Хозе Игнасио Хернандез Коронадо.
Кога станува збор за диетата Периконе, таа се заснова на консумирање риба, како и друга храна богата со омега-3 масти и протеини. Препорачуваме белки, зелен зеленчук, грав, млеко и млечни производи, агруми, маслинки, домати, нектарини и праски, киви…
Има и намирници кои д-р Периконе ги издвоил како многу пожелни поради високата содржина на влакна, антиоксиданси и есенцијални масни киселини: кромид и лук, хељда, јачмен, лути пиперки, коскесто овошје и семки, сино-зелени алги, праз и јогурт.
Ви претставуваме како изгледа еден ден на гореспоменатата диета.
Појадок
За најважниот оброк во денот, треба да имате омлет од три јајца со чаден лосос, а друга опција е овесна каша направена со три лажици житарки со грст свежи боровинки и малку бадеми. За време на оваа диета не смеете да консумирате леб, кафе, а дозволено е зелен чај и вода.
Ручек
За ручек јадеме печена мисирка, зелена салата, домати, заедно со малку варен грав. Можете да го засладите со уште неколку боровинки или неколку парчиња диња.
Вечера
Околу 100-150 гр печен лосос, зелена салата и парен зеленчук како брокула, спанаќ и аспарагус. Избегнувајте компири, моркови и цвекло.
Оброк пред спиење
Едно тврдо варено јајце, мала салата од свеж целер, три свежи црвени пиперки и три маслинки.
Кога станува збор за течноста што ја пие Летиција, на оние кои ја следат оваа диета им се препорачуваат до три литри вода дневно, а кралицата претпочита специјална прочистена вода.
