Метју Пери стекна голема популарност со улогата на Чендлер во серијата Пријатели.Метју Пери, попознат како Чендлер од култниот ситком Пријатели, откри детали од својот живот, како и со што се занимавал кога стекнал голема слава и пари.Актерот зборуваше и за борбата со депресијата, осаменоста, но и зависностите и бројните неуспешни рехабилитации. Метју (53) одлучил да ја каже вистината за својот живот во своите мемоари кога бил сигурен дека никогаш нема да им се врати на најлошите навики.
- Сакав да споделам кога бев сигурен дека нема повторно да навлегувам во темната страна на се. Морав да почекам додека не бидам целосно трезен и подалеку од активната болест на алкохолизам и зависност. Главната работа беше што бев прилично сигурен дека ќе им помогне на луѓето – изјави тој за магазинот People.
Пери откри и зачудувачки детали кои никој не ги знаел. Имено, тој во еден момент се бореше за живот и имаше минимални шанси за преживување. Тој претрпе гастроинтестинална перфорација и помина неколку недели во болница откако му пукна дебелото црево од предозирање со опијати. Две недели беше во кома, а пет месеци во болница.
- Докторите му кажаа на моето семејство дека имам 2 проценти шанси за живот – искрен беше актерот.
Улогата во Пријатели ја доби на 24 години, а веќе тогаш почна да излегува на површина неговата борба со алкохолот.
Можев да се справам со тоа, на некој начин, но на 34 години навистина бев вкоренет во многу неволји. Имаше години кога бев трезен во тоа време. Деветтата сезона на шоуто беше годината кога бев трезен цело време. И погодете која сезона бев номиниран за најдобар актер? Си помислив: „Тоа треба да ми каже нешто“. Не знаев како да престанам. Ако полицијата дојде кај мене дома и рече: „Ако пиеш вечерва, ќе те однесеме во затвор“, ќе почнам да се пакувам. Не можев да престанам затоа што болеста и зависноста напредуваат, станува се полошо и полошо како што старееш. „Сега сум прилично здрав“, вели тој.
