Иако веруваше дека никогаш нема да се омажи и дека е предоцна да стане мајка, актерката ја пронашла љубовта на својот живот во зрелите години и добила се за што не сонувала.
Актерот Даниел Крег се збогуваше со Џејмс Бонд и продолжи со кариерата, но за публиката засекогаш ќе остане тајниот агент 007. За светската јавност тој со години е еден од најпосакуваните мажи на планетата, за женскиот дел од публиката тој е синоним за британски шарм и момче кое има се, но за нивна несреќа – Крег има се, вклучително и жена доживотно.
Актерот со години е во среќен брак со колешката Рејчел Вајс, познатата оскаровка, која ја познавал долго пред да се бакнат за прв пат надвор од екранот.
Двојката се запозна во 1992 година, во лондонското Национално театарско студио, а заедно играа во 1994 година. Со години имаа прекрасен пријателски однос, а малку се знае како изгледало тоа пријателство бидејќи и двајцата ја држат својата интимност подалеку од медиумите.
– Тогаш не беа познати, па нивната прва средба остана неснимена – објаснил за британски Телеграф писателот и новинар Руперт Кристијансен. – Заплетот на претставата беше таков што имаа љубовни сцени, сексуални средби и „вкусна голотија“.
Крег тогаш беше во брак со шкотската актерка Фиона Лондон, со која ја има ќерката Ела и се разведе од неа во 1994 година. Во меѓувреме, Рејчел беше со режисерот Дарен Аронофски, со кого го доби синот Хенри во 2006 година.
Поминаа години, а Рејчел и Даниел го задржаа своето пријателство, а во 2010 година добија нова можност за соработка – сега како големи филмски ѕвезди играа заедно во филмот на Џин Шеридан „House of Dreams“. Истата година, Крег ја раскина свршувачката со филмската продуцентка Сацуки Мичел, па веќе следната година ќе и каже „да“ на убавата Рејчел Вајс.
Парот имаше интимна венчавка во Њујорк, а на церемонијата покрај младенците присуствуваа само нивните деца и двајца пријатели. Како што објасни актерот, се поминало толку тивко затоа што „не сакале да ги расипат работите“, а на ист начин го продолжиле заедничкиот живот – затскриено и далеку од камерите.
Во моментот кога Даниел имал 50 години, а Рејчел 48, пристигнал подарок што не можеле да го замислат неколку години претходно. Тие повторно станаа родители, а актерката во 2018 година роди ќерка, чие име парот сè уште не го сподели со светот.
-Кога го родив синот бев сигурна дека ќе имам уште најмалку две деца. Сега, откако добив ќерка на оваа возраст, знам дека нема да имам повеќе деца. Ја поминав старосната граница за проширување на семејството – истакнала Рејчел во интервју по породувањето и нагласила дека нејзиното второ дете е „благослов и чудо“.
Не само што не очекувала уште едно дете на крајот од четириесеттите, туку пред врската со Даниел не ни помислувала дека повторно ќе се омажи.
- Мислев дека никогаш нема да се омажам, тоа е факт. Никогаш немав такви амбиции, всушност беше спротивно. Не можев да се поврзам ни со романтични комедии каде бракот е поентата на приказната. Но, тогаш, за среќа, тоа само се случи во позрел момент од мојот живот – објаснила актерката.
Таа никогаш не сакала да ги открие деталите од нејзината романса со Крег, но признала дека тоа „Едноставно им се случило“, истакнувајќи дека тоа е лична работа и дека попрво не би зборувала за нејзиниот брак.
- Мислам дека нашата врска не се разликува многу од другите. Ние сме само под очите на јавноста – нагласи таа.
