По објавувањето на серијата „Monster: The Jeffrey Dahmer Story“ на Нетфликс, популарноста на озлогласениот сериски убиец изгледа вртоглаво порасна.
Серијата од 10 епизоди го следи животот на Дамер од неговите тинејџерски години до неговото апсење и затворање. Без никакви спојлери, можеме да ви кажеме дека ова е психолошки трилер со силни елементи на насилство и крв. Откако беше објавено на 21 септември, пребарувањата за Џефри Дамер експлодираа на интернет бидејќи се повеќе луѓе сакаат да дознаат повеќе за канибалот од Милвоки.
Во исто време, се чини дека има голем интерес за активностите на Дамер, како и за неговите лични предмети. Некако на продажба заврши еден од неговите најкарактеристични додатоци, очилата со цена од 150.000 евра.
Тејлор Џејмс, Канаѓанец кој ја води веб-страницата Cult Collectibles, ги набавил очилата пред неколку години заедно со други сувенири на убиецот. Сепак, тој не сакал да објавува оглас на својата веб-страница, но ги замолува сите заинтересирани да контактираат лично со него за да се затвори зделката.
Покрај очилата, во Cult Collectibles има уште десетици други предмети поврзани со канибалот од Милвоки, како што се рачно напишани белешки, сметки или писма што луѓето му ги испраќале додека бил во затвор.
