Некои тврдат дека пејачката „старее наназад“, додека други тврдат дека направила пластична операција.
Поранешната фронтменка на групата „No Doubt“, Гвен Стефан изгради успешна соло кариера и се прослави благодарение на хитовите „The Sweet Escape“, „Wind It Up“, „4 in the Morning“…
Инаку, пејачката пред само два дена наполни 53 години, но нејзиното затегнато лице без брчки и извајано тело не оставаат таков впечаток.
Инаку, оваа русокоса со феноменални вокални способности освен со музика, се занимава и со пишување текстови, но и со дизајнирање облека. Впечаток остава и нејзиниот специфичен изглед – руса коса, црвен кармин, светла пудра, а за сето тоа пееше во песната „Magic’s in the Makeup“, прашувајќи се „Ако магијата е во шминката, која сум јас? ” .Имено, последните неколку месеци на социјалните мрежи се дебатира за тоа како изгледа Гвен – едни велат дека едноставно не старее, а други тврдат дека претерува со пластичните операции и интервенции.
Според оние кои веруваат дека пејачката имала операции, Гвен целосно го променила личниот опис, толку што, како што велат, повеќе не личи на себе. Тврдат дека Гвин ја зголемила устата, јаготките, ги отстранила темните кругови, ставила нови заби и претерува со ботокс.
- Дали е навистина таа?; – Буквално е непрепознатливо; – Сега изгледа сосема поинаку – Цел живот сум нејзин обожавател и не ја препознав. Јас сум толку збунет; – Никогаш немаше да претпоставам дека ова е Гвен Стефани, да не напишеа – гласат коментарите.
Инаку, „вечно младиот изглед“ на пејачката низ годините беше предмет на многу шпекулации, но ѕвездата никогаш јавно не проговори за некоја естетска операција. Кога гостуваше во познатиот сегмент „Carpool Karaoke“ во 2016 година, водителот Џејмс Корден ја праша точно како да „старее наназад“, но таа вешто го избегна одговорот припишувајќи го својот младешки изглед на врската со сегашниот сопруг Блејк Шелтон.
