Ако некогаш пристигне долгоочекуваното EV, можеби ќе може да лебди…
Иако никој не знае кога, па дури и дали Tesla Cybertruck ќе влезе во производство, тоа не го спречи Илон Маск да даде уште едно чудно ветување за возилото. Во четвртокот, извршниот директор и производител на електрични возила од ведро небо објави дека претстојниот Tesla Cybertruck ќе може „накратко да служи како брод“. Очигледно, возилото ќе биде „доволно водоотпорно“ за да поминува низ кратки водни површини, како што се езера или реки.
Cybertruck will be waterproof enough to serve briefly as a boat, so it can cross rivers, lakes & even seas that aren’t too choppy
— Elon Musk (@elonmusk) September 29, 2022
Колку и да изгледаат невозможни или смешни тврдењата на Маск, тие не се целосно надвор од доменот на можностите. Според Motor Trend, секое возило со целосно затворено подвозје – што најверојатно ќе го има Cybertruck – технички може да лебди кратко време, но има разлика помеѓу лебдењето и автомобилот што всушност функционира во вода. За да може да замени брод, Tesla треба да сфати како да го одржува возилото на површина и да го контролира.
Маск и Тesla имаа одредени проблеми да ги исполнат своите ветувања кога станува збор за Cybertruck – барем до сега. Компанијата постојано го одложуваше EV од неговото првично претставување во ноември 2019 година. Последното одложување за некаде следната година беше придружено и со не толку суптилнo навестување дека почетната цена ќе биде повисока од 39.900 долари. И покрај тоа што дизајнот беше финализиран одамна, производството сè уште не е започнато поради недостиг на делови и ограничувања во синџирот на снабдување. Според последните информации, производството ќе започне на почетокот на следната година во Gigafactory во Тексас.
