Меѓу ревиите кои привлекоа најголемо внимание на модната недела во Париз беше онаа на модната куќа Valentino за пролет/лето 2023 година.
Помеѓу многуте познати гости, посебно се истакна една личност. Според магазинот Vogue, Парис ја “чекал” токму неа – актерката Зендаја.
Младата Зендаја, која веќе има статус на стилска икона, на ревијата пристигна во проѕирно кристализирано боди под кое се гледаа црни шорцеви. Зендаја носеше и предимензионирана црна светкава јакна, која како и остатокот од аутфитот беше украсена со препознатливото лого на модната куќа Valentino.
Под бодито се гледаа крем штикли со зашилен врв.
Актерката комбинацијата ја заокружи со ефектни висечки обетки, додека нејзината фризура, залижана коса со патец на страната што се спушташе по грбот на актерката, даде шмек на дрскост на целото издание.
Многумина го прогласија ова издание на 26-годишната девојка за едно од најдобрите модни изданија на сезоната.
Зендаја беше придружувана од нејзиниот долгогодишен стилист Ло Роуч и моделот Наоми Кембел.
