Меган Маркл наводно е голем гурман, а еднаш ги открила своите омилени рецепти, уште пред да се омажи за принцот Хари.
Меган Маркл еднаш се опиша себеси како личност која не само што ја сака, туку и ја цени уметноста и вештината да подготвува добра храна.Често се водеа многу контроверзии за планот за исхрана на Меган, а познато е дека поради неа се прекршени некои правила, па јадеше тестенини додека инаку е забрането во британскиот кралски двор.
Меган никогаш не го прескокнува појадокот, а нејзиниот совршен почеток на денот е кога ќе испие екстремно скапо смути со акаи. Инаку, акаи бобинките ги сака и Викторија Бекам, а ги нарекуваат „виолетово злато“ затоа што се полни со антиоксиданси. Таа меша бадемово млеко, банана, бобинки и сето тоа го комбинира со кокосови снегулки и мед.
На што Меган не може да одолее, а не е дел од нејзиното секојдневие, дефинитивно се компирите, таа во една прилика рече дека и се посебна група на храна.
За ручек повеќе сака риба, а понекогаш се одлучува и за вегетаријански јадења полни со зеленчук. Меган откри и дека за време на снимањето на серијата често сакала да има зелен сок во кој за време на паузите мешала јаболко, кељ, спанаќ, ѓумбир и лимон.
Кога станува збор за вечерата, тогаш на сцена стапуваат забранетите тестенини кои таа ги обожава, а ги подготвува по посебен рецепт. Во една прилика рекла дека трикот за совршен вкус е во посебен сос направен од тиквички, додека секој би се заколнал дека има тони путер и масло во него.
Инаку, омиленото јадење на Хари се макарони и сирење, а овој пар сака и да ужива во квалитетни вина, па Меган Маркл својот блог во кој зборуваше за храната го нарече по едно вино Tignanello.
