Сите погледи на јавноста беа вперени во актерот и неговата адвокатка, но тој всушност е во врска со друга.Познатиот холивудски актер Џони Деп има нова девојка. Станува збор за адвокатка од неговиот правен тим, Џоел Рич. Тие двајца се кријат со месеци, а сега се почесто можеме да ги гледаме заедно во јавноста.
И покрај тоа што таа немала никаква официјална улога во процесот што се водел меѓу актерот и неговата поранешна сопруга Амбер Херд, младата адвокатка присуствувала на секое судење на Џони, кое траело од 11 април до 1 јуни.
Таа секогаш седеше во првиот ред, веднаш зад Џони Деп и го поддржуваше за време на судскиот процес.
Судејќи по бројните фотографии, таа секогаш доаѓала на суд со Деп, а по судењето заедно со исто возило го напуштале судот.
Во еден момент папараците дури ја фатија Ричова како се наведнува и се смешка додека Деп и покажува нешто на телефонот. Иако, според медиумите, љубовниците одржувале професионални односи во јавноста, врската меѓу нив била очигледна.
Johnny Depp and his lawyer-turned-girlfriend Joel Rich hid in plain sight https://t.co/5y8wkBTqDB
— newsfet (@newsfet777) September 23, 2022
- Беше таму само од „лични“ причини, за да го поддржи својот маж“, рекол извор близок на парот.
Не се знае точно кога започнала нивната љубовна приказна, а ниту актерот ниту неговите претставници не ги коментирале овие тврдења кои се појавија во медиумите.
Сепак, инсајдерот вели дека изминатиот период неколку пати се сретнале во луксузни хотели.
- Помеѓу нив владее неверојатна хемија. Ова е навистина сериозно, тие се створени еден за друг – рече тој.
Рич е мајка на две деца која е среде развод. Како што пренесуваат странските медиуми, очигледно е дека била во врска со Деп додека била во брак.
И покрај тоа што Рич присуствуваше на секое судење иако таа не беше негов правен застапник, во медиумите се шпекулираше дека Деп започнал врска со убавата Камила Васкез, адвокатката која го застапуваше во судскиот процес што го водел против Амбер Херд.
Васкез ги негираше тие тврдења и ги нарече неетички и сексистички.
- Навистина се грижам за моите клиенти и затоа се зближивме – изјави таа за People.
- Кога велам НИЕ, мислам на целиот тим, а тоа секако го вклучува и Деп.
