Соработката помеѓу познатата италијанска куќа Gucci и познатиот германски бренд Adidas започна пред неколку месеци, а пристигнa и нова колекција која го спојува најдоброто од двата бренда и зрачи со духот на спортски шик во 70-тите…
На 7 јуни, италијанската луксузна модна куќа Gucci ја лансира линијата Adidas x Gucci, која следи по парчињата претставени на ревијата во февруари. За разлика од предметите претставени на пистата, новата колекција е инспирирана од винтиџ спортска облека носена за тенис или голф во седумдесеттите години и е украсена со впечатливи дезени кои го поврзуваат симболот на трифолија на Adidas со графиката на Gucci и динамична рапсодија на бои.
Креативниот директор на Gucci Алесандро Микеле си поигра со машките и женските линии со тоа што им влеваше ретро шмек и смели бои карактеристични за двата бренда.
Како дел од колекцијата, покрај култни парчиња како тренерки и спортски чанти, може да се најдат и тениски чевли на германскиот бренд во стилот ‘Gazelle’, како и мокасини Gucci украсени со трите риги карактеристични за Adidas парчиња.
Колекцијата изобилува со модни додатоци како лого чанта за голф, шарени чадори, свилени марами, ретро накит и капи. Adidas x Gucci се продава во луксузните продавници на Gucci и е-трговија, како и на апликацијата Adidas Confirmed.
