Пејачката се пресоблече неколку пати и така блесна на својата втора свадбена прослава.Како што знае јавноста, холивудската двојка Џенифер Лопез и Бен Афлек, по интимната венчавка во Лас Вегас, ја продолжија љубовната приказна на раскошна церемонија одржана за семејството и пријателите, на имотот на Афлек, а латино дивата носеше дури три свадбени фустани за нејзиниот важен ден,кои подоцна беа споделени на Инстаграм.
Прославената 53-годишна Џенифер за својот голем ден сменила дури три креации, а сите три се волшебни и многу луксузни.
Главната венчаница ја потпишува познатиот бренд Ralph Lauren, а се работи за модел кој ја следи линијата на телото до колена, по што се проширува во огромен воз полн со ситни рифли долги неверојатни шест метри.
Оваа креација е украсена и со ролна јака, и проѕирна ткаенина со бели сатенски копчиња на задната страна, а Џеј Ло го комплетираше изданието со долг бел вел, бидермаер од бели цветови и бисерни обетки.
Останатите две венчаници се дизајнирани од истиот бренд, а се верува дека секоја чинела од половина милион до дури два милиони долари, бидејќи се рачно сошиени од најквалитетни материјали, а две од нив содржат скапоцени мониста и кристал.
Новопечената г-ѓа Афлек подоцна се пресоблече во поедноставна, но сепак неверојатна венчаница без ракави со длабоко деколте украсено со ситни циркони. Оваа креација имаше и шик вел налик на качулка, а пејачката носеше и дијамантски обетки.
За крај на големиот ден Џенифер избра уште една спектакуларна креација, овој пат во шампањ боја. Фустанот, како и претходните два, ја следи линијата на телото и ја истакнува нејзината фигура на песочен часовник, а целиот е проткаен со мониста и бисери.
