Италијанскиот производител на спортски автомобили Lamborghini веќе го продаде целото производство до почетокот на 2024 година, изјави директорот на компанијата за АФП.
Подружницата на Volkswagen има „голема побарувачка“ и нарачки за следните 18 месеци, изјави во вторникот Стефан Винкелман.
Богатите купувачи ги купуваат овие луксузни автомобили и покрај глобалните финансиски последици од руската инвазија на Украина.
„Lamborghini се повеќе се купуваат. Бидејќи имаат доверба во брендот, гледаат колку се убави автомобилите, како имаат високи перформанси“, рече тој.
Глобалната економија само треба „да остане малку стабилна“ за да остане така, додаде тој.
Долгото чекање на болидите се должи на недостигот на делови, особено на чиповите кои се потребни за новите електрични модели.
Lamborghini планира хибридна верзија на секој од своите модели до 2024 година, а првото целосно електрично Lamborghini во втората половина на деценијата.
Тоа е „многу за само две години“ и „работиме колку што можеме, најбрзо што можеме за да бидеме во тек со вестите и да ги одржуваме работите на позитивен начин“, рече Винкелман.
На почетокот на август Lamborghini објави дека го има најдоброто полугодие во својата историја, постигнувајќи рекордна продажба и профит.
Оперативната маржа достигна 32 отсто, а оперативната добивка е 425 милиони евра од продадени 5.090 автомобили.
Ферари исто така постигна рекордни резултати во вториот квартал и ја зголеми годишната прогноза, а неговите нарачки се рекордни.
На крајот на јули, најголемиот светски производител на луксузни стоки LVMH, исто така, објави дека постигнал скок во продажбата и профитот во првата половина од годината и покрај неизвесното економско опкружување.
