Градовите Драч и Саранда станаа доста популарни во последниве години, па Фулертон препорачува да ги посетите Ѓирокастер и Берат. Првиот споменат град, Ѓирокастер, некогаш бил познат по канабис, според Блер Топули, вработен во замокот Ѓирокастер.
И покрај прилично мрачниот 20-ти век, обележан на многу начини со владеењето на Енвер Хоџа, Албанија зачекори во 21 век цврсто реши да го остави минатото таму каде што и припаѓа. Денес е земја на прекрасни пејсажи, брегови и градови, а ја посети и новинарот на Гардијан, Џејми Фулертон, чиј патопис го пренесуваме.
„Порано новинарите ретко доаѓаа овде“, вели Елтон Чауши, шеф на тур-операторот „Albanian Trip“. „Кога доаѓаа, сакаа да зборуваат само за крвна одмазда“, додава тој.
Интересни се традициите кои некогаш доминираа во племенската политика во албанските планини, но Албанија има многу други интересни работи. Благодарение на плажите, градовите на листата на УНЕСКО и патеките за пешачење, поранешната комунистичка и некогаш затворена земја беше поздравена како нова ХИТ дестинација во Европа.
Бројките јасно го потврдуваат тоа – во 2009 година 1,9 милиони туристи патувале во Албанија, а во 2019 година, последната година пред Ковид, бројката била 6,4 милиони. Туристите речиси сигурно ги привлекува храната. Фулертон вели дека имал раскошен појадок со тасќебап – супена мешавина од телешко месо, лук, кромид и сос од домати – проследено со десерт во Mon Amour, слаткарница во париски стил.
Според овој британски новинар, брегот е посебен. Тој најпрво го посети Дерми, село во кое изминатата деценија никнаа голем број хотели покрај брегот. Главната плажа е чиста, уредна, но покриена со лежалки и опкружена со ресторани, што ќе рече преполна. Подобра опција е пеш до блиската плажа Ѓипа, песочна и изолирана, каде што се уште нема хотели, но има бункери, кои зборуваат за албанското минато.
Имено, во периодот од 1975 до 1983 година, Хоџа има изградено околу 170.000 бункери, стравувајќи од можен напад на Албанија.
Градовите Драч и Саранда станаа доста популарни во последниве години, па Фулертон препорачува да ги посетите Ѓирокастер и Берат. Прво споменатиот град, Ѓирокастер, некогаш бил познат по канабис, според Блер Топули, вработен во замокот во Ѓирокастер.
„Ова беше едно од најопасните места во Европа, имавме село кое произведуваше тони канабис. Кога бев дете во 2000-тите, да се види турист беше исто како да се види вонземјанин“, објаснува тој. Меѓутоа, во средината на 2010-тите, таа трговија беше прекината поради интервенција на полицијата.
Ѓирокастер е на листата на УНЕСКО од 2005 година, но туристите почнаа да доаѓаат дури откако беше разбиена бандата производители на канабис. Инаку, на север се наоѓа Берат, кој исто така е на листата на УНЕСКО, а вреди да се посети.
Исто така, како една од работите што не треба да се пропушти, авторот ја споменува посетата на Националниот парк Тет (како и истоименото село). Паркот не е едноставно наречен „Албански Алпи“, бидејќи глетките што можете да ги доживеете овде не треба да се „срамат“ од погледите на Алпите.
Во секој случај, доколку планирате наскоро да ја откриете Албанија, веруваме дека ова искуство барем малку ќе ви помогне.
