Познатата американска актерка Хали Бери го прослави својот 56-ти роденден, а во знак на благодарност своите фанови на социјалните мрежи ги почести со заводливи фотографии кои меѓу другото ја открија нејзината нова фризура. Пред една недела познатата оскаровка реши драстично да го промени имиџот, а сега гордо ги покажа своите локни во боја на лаванда…
Наградуваната американска актерка Хали Бери им се заблагодари на своите обожаватели за многубројните честитки по повод 56-тиот роденден, а по тој повод ја покажа и својата нова храбра фризура за која не доби ништо освен пофалби.
Пред една недела, 56-годишната актерка ги обои своите препознатливи локни во доминантна виолетова боја, а бидејќи бојата на косата не е трајна боја, по неколку миења нијансата доби нов изглед и сега е лаванда. Таа оваа промена ја откри со нови сензационални фотографии.
Холивудската актерка прво позираше во секси боди од тантела, а потоа ги почести своите обожаватели со фотографија во опуштен бел летен фустан. Таа по тој повод им се заблагодари на сите за роденденските желби.
Познатата оскаровка е во среќна врска со добитникот на Греми музичарот Ван Хант.
По трите неуспешни брака, оние со Дејвид Џастис, Ерик Бенет и Оливер Мартинез, ѕвездата на филмот „Жена мачка“ пронајде се што бараше во новиот партнер, а не крие колку е среќна и исполнета.
