Веруваме дека сте виделе жени од Јапонија и нивните совршено затегнати лица на ТВ и во списанија. Јапонките се надалеку познати како негувани и младешки дами, а во негата на кожата често користат помош од кујната.
Една од најпопуларните домашни маски кај Јапонките е онаа со авокадо, кое ги чисти порите, и дава доволно влажност на кожата и го забавува стареењето.
Оваа маска се препорачува да ја користите еднаш неделно, а резултатите ќе бидат видливи веќе по вториот третман.
Состојки:
1/4 Авокадо
Сок од лимон
1 Лажичка мед
1/2 Лажичка маслиново масло
Подготовка и примена:
Авокадото исечкајте го на четвртинки и со вилушка изгмечете го. Ставете го во сад и додадете сок од лимон, мед и маслиново масло. Пред да ја нанесете маската на лицето, натопете крпа во топла вода и држете ја на лицето неколку минути за да се отворат порите.Нанесете ја маската со прстите или со четка за лице. Чувајте ja на лицето 15 минути, додека не се исуши. Исплакнете го лицето со млака вода и исушете го со чиста крпа, а потоа нанесете хидратантна крема.
