Не толку одамна, човекот кој го играше Џек Спароу до совршенство победи на судењето за клевета против поранешната сопруга Амбер Херд. Додека траеше судскиот спор, луксузниот бренд Dior продолжи да стои покрај Деп за време на светски познатата битка во судницата, а Dior Sauvage, промовиран од Џони Деп, се катапултираше на позицијата парфем број еден во светот.
Враќајќи се на неговото последно достигнување, The Modern Met објави дека добитникот на наградата Златен глобус објавил 780 отпечатоци во галеријата Castle Fine Art во Лондон, кои се распродадоа за неколку секунди, а Деп заработи 3,6 милиони долари.
Четири портрети на Боб Дилан, Елизабет Тејлор, Ал Пачино и Кит Ричардс беа дел од колекцијата на Деп. Поединечни слики во уметничката колекција на Џони Деп, насловена „Пријатели и херои“, беа достапни за 3.973 долари, а пакетот од сите четири портрети беше по цена од 15.040 долари.
Зборувајќи за својата работа, Деп рече: „Отсекогаш сум ја користел уметноста за да ги изразам моите чувства и да размислувам за оние кои ми се најважни, како моето семејство, пријателите и луѓето на кои им се восхитувам. Моите слики го опкружуваат мојот живот, но ги задржав за себе и се ограничив. Никој не треба да се ограничува“.
Деп на Инстаграм објави слика на која позира со своите уметнички дела, а обожавателите го опсипуваа со пофалби и охрабрување. Актерот ја објави продажбата на своите уметнички дела и преку неговиот личен Инстаграм, со што веројатноста е голема дека поради тоа се распродаде за неколку часа и стана најбрзо продаваната колекција на Castle Fine Art досега.
