Поп-ѕвездата ќе можеме повторно да ја видиме на големото платно, покрај Хоакин Феникс, кој брилијантно го отелотвори Џокерот во 2019 година.Поп-ѕвездата и оскаровка Лејди Гага ја доби улогата на Харли Квин, антихероината и љубовниот интерес на пореметениот кловн на криминалот, Џокерот. Така, Гага ќе му се придружи на Хоакин Феникс во продолжението на приказната за Џокер наречена „Joker: Folie à deux“. Самиот наслов на филмот се однесува на медицинскиот термин за слично ментално растројство кое погодува две или повеќе луѓе, обично членови на исто семејство, што суптилно ја открива атмосферата што ќе преовладува во филмот.
Гага го сподели првото тизер видео на својот Инстаграм, откривајќи дека филмот ќе пристигне во кината на 20 април 2024 година. Видеото ги прикажува силуетите на Гага и Феникс во танцови движења, а на крајот го слушаме потписот на Џокерот како се смее.
Режисер на филмот е Тод Филипс, кој го напиша сценариото со ко-сценаристот на „Џокер“ Скот Силвер, а се шпекулира дека новиот филм е всушност мјузикл.Гласините дека Гага ќе се приклучи на универзумот на Џокер првпат се појавија во јуни, а магазинот Холивуд Репортер сугерираше дека Гага би можела да ја игра Харли Квин, девојката на Џокер-убиецот која моментално ја играат Маргот Роби во DC Extended Universe и Кејли Куоко во HBO Max анимирана серија.Откако „Џокер“ беше премиерно прикажан во 2019 година, Филипс и Феникс рекоа дека тоа ќе биде еднократен експеримент. Но, откако филмот заработи 1 милијарда долари на светскиот бокс офис и на Феникс му донесе Оскар за најдобар актер, продолжението стана неизбежно.
Според The Wrap, дејството на „Joker: Folie à deux“ во најголем дел ќе се одвива во менталната установа Arkham Asylum, каде Џокерот бил затворен на крајот од оригиналниот филм. Според DC Comics, токму во Аркам Џокер првпат се среќава со психијатарот, д-р Харлин Квинзел, кој подоцна станува Харли Квин.
