По многу светски истражувања, утврдено е дека пешачењето има голем број на предности; од одржување на форма до здравјето на нашето тело и ум. Секојдневната прошетка ќе ослободи ендорфин и серотонин, кои се неопходни за борба против хормоните на стресот. Сепак, експертите се согласуваат дека намалувањето на ризикот од срцеви заболувања е најголемата придобивка од оваа едноставна рекреација.
Податоците од многу студии сугерираат дека постои одреден број минути на кои треба да се стремите за да го подобрите вашето кардиоваскуларно здравје. Според Huffpost, се проценува дека пешачењето 21 минута дневно може да го намали ризикот од срцеви заболувања за 30%. Овој специјален извештај беше објавен од Harvard Health во 2017 година, кој исто така сугерира дека пешачењето го намалува ризикот од дијабетес и рак, го намалува крвниот притисок и холестеролот и го одржува менталното здравје.
Ако не можете да пешачите 21 минута одеднаш, тоа е во ред. Помеѓу работа, обврски и домашни работи, понекогаш одвојувањето време за себе изгледа како невозможно сценарио. Започнете со мали промени. Наместо автомобил, за кратки растојанија, одлучете се да пешачите. Студијата од 2014 година покажа дека „за секоја минута брзо одење на жените во текот на денот, тие го намалуваат ризикот од дебелина за 5%.
Луѓето кои имаат минимален или никаков кардиоваскуларен ризик можат да спречат болести, додека оние кои се борат со висок крвен притисок, висок холестерол, дијабетес или дебелина можат да пешачат за да ги постигнат своите здравствени цели и да спречат можни мозочни или срцеви удари. Подгответе добар подкаст, неколку омилени песни или аудиокнига и откако ќе вложите 20 минути во себе, ќе се чувствувате исполнето и среќно.
