Да се купи или да не се купи, тоа е прашањето сега.
Историската резиденција наречена Colne Priory, која се наоѓа во англиското село Ерлс Колн во Есекс, која наводно му припаѓала на Вилијам Шекспир, сега може да биде ваша за 8,4 милиони долари.
Овој импресивен имот се состои од главна резиденција со големина од 1.400 квадратни метри и куќа со три спални соби.
Според извештаите, селскиот имот бил во сопственост на аристократското семејство Де Вере со векови, а Едвард де Вере, седумнаесеттиот гроф од Оксфорд, го продал на познатиот поет во 1583 година. Денес, научниците и книжевните критичари веруваат дека овој познат поет не бил никој друг туку Вилијам Шекспир.
Главната вила на овој имот била изградена околу 1825 година, додека била проширена во текот на деветнаесеттиот век и повторно во 2007 година од нејзините сегашни сопственици.
Пространиот имот од 24 хектари содржи тениско игралиште, отворен базен, капацитети за коњаници, гаража и хангар за авиони. Покрај тоа, има две зимски градини – едната е оградена, а другата е посветена исклучиво на орхидеи.
Внатрешноста на вилата, исто како и нејзината надворешност, има импозантни димензии и привлечност од античките времиња, па во неа доминираат накитени тавани, витражни детали и дрвени конструкции од даб.
За да ја направат вилата погодна за живеење во 21 век, нејзините сегашни сопственици додале модерни удобности, како што се подно греење, озвучување и парна соба.
Покрај тоа, дел од главната резиденција е пространа кујна, дневна соба, библиотека, работна соба, салон, теретана, соба за билијард, винарска визба и пет спални соби.
Поранешната капела која е претворена во куќа овде игра улога на гостинска куќа и нуди дополнителни три спални соби.
