- Рецептот за салатата позната како „салатата која Џенифер Анистон ја јадеше секој ден 10 години на снимањето на Пријатели“ повторно кружи на интернет.
- Блогерката за храна Рејчел Менсфилд даде свој пресврт на познатата салата, која ни се чини дека е совршена идеја за ручек за топлите летни денови во канцеларија.
- Дали Џенифер навистина некогаш ја јадела оваа салата?
Има нешто особено задоволувачко во наоѓањето на совршениот ручек за работна недела. Сакате нешто толку вкусно и посебно што ќе можете да јадете ист ручек пет дена без престан и да го очекувате секој пат. Исто така, мора да биде спакуван и лесен за подготовка за да не мора да чекате еден час пред рерната среде лето. Џенифер Анистон со години е заслужна за решението на работниот ручек што ги исполнува овие строги критериуми. За време на 10 години работа на серијата „Пријатели“, актерката наводно јадела една иста салата. И додека првпат слушнавме за тоа во 2010 година, салатата на Џенифер повторно кружи на социјалните мрежи. Познатата блогерка за храна Рејчел Менсфилд, која е специјализирана за создавање рецепти направени со едноставни, вистински состојки кои се погодни за секого, и самата е воодушевена од оваа едноставна салата.”Оваа салата ги надмина сите мои очекувања. Испадна толку добро, па дури и на моето 15-месечно дете му се допадна. Веќе некое време го правиме ова секоја недела и заслужува свој блог пост”, напиша таа на нејзиниот блог rachLmansfield. Самата Рејчел додаде неколку пресврти во салатата на Џенифер, а еве го нејзиниот рецепт за овој здрав и вкусен оброк кој, сигурни сме, ќе ве воодушеви и вас.
- Состојки:
- 1 шолја киноа (традиционален рецепт има булгур)
- 1/2 шолја сечкан црвен кромид
- 1/2 шолја сечкан магдонос
- 1/3 шолја сечкано нане
- 1/2 шолја исплакнат наут
- 1/3 шолја излупени ф’стаци
- 1/2 шолја сечкана краставица
- 1 / 2 чаши распарчено фета сирење,
- маслиново масло, лимон, морска сол и бибер по вкус
Подготовка: 1. Сварете ја киноата според упатството и оставете ја настрана да се излади
2. Откако киноата ќе се олади, додадете ги сите состојки во поголем сад и добро измешајте
3. Посипете со маслиново масло, лимон и сол и бибер
Уживајте! Забавен факт: Во едно неодамнешно интервју за Elle, Џенифер откри дека салатата која стана вирална и стана позната како салата Џенифер Анистон всушност не била салатата што ја јадела. “Изгледа навистина вкусно, но не е таа салата. Никогаш не би ставила толку наут” – рекла Џенифер и уништила долгогодишен мит. Сепак, се чини дека во овој случај важи изреката „Изречена лага доволно пати станува вистина“, бидејќи на TikTok не му е премногу грижа дали Џенифер навистина ја јадела или не, таа ќе остане снимена на интернет како „Jennifer Aniston’s салата“.
